ادب کے میدان میں نئے لکھاریوں کا آمد کا خیرمقدم، مصنفہ کو زبردست خراج تحسین
ناول سنجیدہ ادب میں اہم مقام پید ا کرے گا۔ ڈاکٹر کریم، پروفیسر یوسف، پروفیسر رحمت، ڈاکٹرشگفتہ ، پروفیسر رابعہ اور دیگر کا خطاب
مظفر آباد /لندن (پریس ریلیز)
گورنمنٹ پوسٹ گریجویٹ کالج مظفر آباد میں پریس فار پیس فاؤنڈیشن برطانیہ کے زیراہتمام نوجوان مصنفہ کرن عباس کرن کے شائع کردہ ناول “دھندلے عکس ” کی تقریب پزیرائی منعقد ہوئی۔ مقررین نے خطاب کرتے ہوئے کہا کہ کرن عباس کرن کا ناول یقینا مسقبل میں سنجیدہ ادب میں اپنا نام مقام پیدا کرے گا۔نئے قلم کاروں کی کتب کی اشاعت خوش آئند ہے۔ اردو کی بقا کے لیے ضروری ہے کہ نئی نسل اپنا رشتہ کتاب اور مادری زبان کے ساتھ مضبوط کرے ۔ مقررین نے کرن عباس کرن کے اسلوب ، فن اور کردار نگاری پر سیر حاصل گفتگو کی۔ مقررین میں پروفیسریوسف میر، ڈاکٹر عبدالکریم، ڈاکٹرشگفتہ، پروفیسر راجا رحمت، چوہدری غلام عباس، پروفیسر رابعہ حسن، پروفیسر سعید احمدشاد اور دیگر مقریرین شامل تھے۔ تلاوت کی سعادت شعبہ انگریزی کے طالب علم عمر اسد نے حاصل کی۔ نعت رسول مقبول شعبہ انگریزی کے طالب علم احتشام نے پرسوز آواز میں پیش کی۔ کرن عباس کرن نے ناول کے لکھنے کی پیچھے کارفرما عوامل پر بات کرتے ہوۓ اپنے اساتذہ ڈاکٹر عبدالکریم اور پروفیسر رابعہ حسن کا بہتر رہنمائی فراہم کرنے کے لیے شکریہ ادا کیا۔ادارے کے طالب علموں حمزہ سعید, اسامہ شائق اور احسان نے طلبہ کی طرف سے کتاب پر عمدہ تنقیدی جائزے پیش کیے۔ مصنفہ کے والد نے ہونہار بیٹی کی کامیابی کو اللہ کا انعام قرار دیا۔ پروفیسر رحمت خاں , پروفیسر یوسف میر اور ڈاکٹر عبدالکریم نے تنقیدی جائزہ پیش کیا۔ انہوں نے بلاشبہ اسے مصنفہ کی ایک کامیابی گردانتے ہوۓ اسے مستقبل میں مزید کامیابیوں کی نوید سنائی۔ علاوہ ازیں پروفیسر شگفتہ بخاری اور پروفیسر سعید احمد شاد نے بھی مصنفہ کے لیے تہنیتی خیالات کا اظہار کیا۔ اس پررونق تقریب کا اختتام مہمانوں کے لیے پرتکلف چائے کے ساتھ ہوا۔
اپنے مضامین اور خبر بھیجیں
udannewsdesk@gmail.com
7462884092
ہمیں فیس بک پیج پر بھی فالو کریں
https://www.facebook.com/udannewsurdu/
