آمد رمضان اور استقبال رمضان کیسے کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
از: سرفراز عالم ابوطلحہ ندوی اسلامی بابوآن ارریہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آمد رمضان ایک عظیم الشان و لامتناہی عمل ہے جس کی آمد سے آسمان کے ستارے و سیارے اسی طرح زمین میں پیدا ہونے والی ہر چیز خوش ہو رہی ہوتی ہیں، ہر طرف رنگینیاں و رعنائیاں ہی نظر آتی ہیں، رمضان کی آمد سے پوری دنیا کی مسجدیں ہر وقت آباد رہتی ہیں، عبادتوں میں چار چاند لگتیں ہیں، کلیاں مسکراتی نظر آتی ہیں، آمد رمضان سے بلبلیں چہچہاتی ہیں، سبزہ لہلہاتی نظر آتی ہیں، بادلوں میں عجیب کیفیات ہوتے ہیں، موسم بھی اپنی رحمت کے پر کو بچھاتے ہیں، گناہوں کے دروازے بند ہوتے ہیں، نالائق و حرامی عمل کی بھر پور مذمت ہوتی ہیں، گویا رمضان المبارک ایک نئی صبح اور نئی تازگی پیدا کرتا ہے، رمضان المبارک کے مہینے سراپا خیر و برکت کا عظیم سنگم ہے، آمد رمضان سے ہر روز کچھ ایسے گنہگار بندوں کی جہنم سے آزادی کا پروانہ نصیب ہوتا ہے، جنت میں اعلی مقام حاصل ہوتا ہے، ہر طرف الفت و محبت، بھائی چارگی کا ماحول پیدا ہوتا ہے، دوست و دشمن ناصح بن جاتے ہیں، آمد رمضان ہی کی بدولت جنت کے تمام دروازے کھول دئیے جاتے ہیں، جیسا کہ حدیث میں بیان کیا گیا ہےفتحت ابواب الجنۃ و غلقت ابواب الجحیم* اور جہنم کے تمام دروازے بند کر دئے جاتے ہیں، یہ صرف رمضان المبارک کی آمد ہی پر ہوتا ہے، سرکشوں کو باندھ دیا جاتا ہے، یہ تمام چیزیں آمد رمضان پر ہی ہوتی ہیں،
استقبال رمضان کیسے کریں؟
ذیل میں چند نصیحتیں ہیں جن کو ہم اور آپ اپنی زندگی میں داخل کر لیں تو یقیناً ہمارا روزہ کارگر ثابت ہوگا،
1: عبادت و بندگی کے ذریعے رمضان المبارک کا استقبال کریں،
2: نماز تلاوت : فرض نماز کے علاوہ نفل و سنن اور قرآن مجید کی تلاوت سے رمضان کا استقبال کریں۔
3: گناہوں پر شرمندہ ہو توبہ و استغفار کے دامن کو نہ چھوڑے۔
4:ایسی الفت و محبت کو عام کرے تعاون الی الخیر پر زیادہ سے زیادہ توجہ مبذول کرے۔
5:غیبت و چغلخوری زنا کاری مکاری دھوکے بازی ان تمام چیزوں سے باز آئیں۔
6: صدقات و خیرات کے ذریعے اپنے روزوں نمازوں کو پاکیزہ بنائیں۔
7:جھوٹ سے کلی طور پر اجتناب ہو کثرت سے دعائیں زبان زد ہوں۔
8:پاک و صاف رہنے کی تلقین کرے اور اسی طرح اپنی سڑکوں گلیوں، چوراہوں، گزرگاہوں، اور عام سڑکوں کو پاک و صاف رکھیں۔
ان تمام چیزوں کو استقبال رمضان کے لئے اپنا لیں تو یقیناً ہمارا روزہ پاکیزہ اور بہترین ہوگا۔
اللہ تعالی ہمیں رمضان کے روزوں کی قدردانی کرنے کی توفیق عطا فرمائے آمین ثم آمین یا رب العالمین۔