طلحہ شمس بن شمشاد عالم کے عم پارہ حفظ مکمل کرنے پر دعائیہ مجلس کا انعقاد

طلحہ شمس بن شمشاد عالم کے عم پارہ حفظ مکمل کرنے پر دعائیہ مجلس کا انعقاد

پھلواری شریف پٹنہ مورخہ 21/ستمبر 2023 (پریس ریلیز:محمد ضیاء العظیم )
قرآن کریم رب کائنات کی نازل کردہ آخری آسمانی کتاب ہے ، جسے رب العزت نے سب سے آخری نبی اور پیغمبر حضرت محمد صلی اللہ علیہ وسلم پر مکمل تاریخ کے ساتھ نازل فرماکر پوری انسانیت کو یہ پیغام دیا کہ یہی وہ راہ ہے جس پر کامیابی کی ضمانت پنہاں ہے ۔قرآن کریم وہ دریچہ اور سرمایۂ حیات ہے جس میں ہم بیک وقت ماضی حال اور مستقبل تینوں دیکھتے ہیں ۔قرآن کریم اور دوسری کتابوں کے درمیان فرق افضل مفضول اور اکمل وغیرہ کا نہیں بلکہ بنیادی فرق محفوظ اور غیر محفوظ کا ہے،کیونکہ اللہ تبارک وتعالی نے کسی بھی کتاب کی تحفظ وبقا کی ذمہ داری قبول نہیں کی، جبکہ قرآن کریم کی حفاظت کی ذمہ داری خود اللہ نے لی ہے ۔فرمان الٰہی ہے اِنَّا نَحْنُ نَزَّلْنَا الذِّكْرَ وَ اِنَّا لَهٗ لَحٰفِظُوْنَ
ترجمہ:
بیشک ہم نے قرآن کو نازل کیا ہے اور بیشک ہم خود اس کی حفاظت کرنے والے ہیں ۔اس سے اس بات کا اندازہ ہوتا ہے کہ پہلی کتابیں وقت کے ساتھ ختم ہو جائیں گی اور قیامت تک کے لیے راہنمائی اسی کتاب سے حاصل کی جائے- اللہ رب العزت اپنے بندوں کے ذریعہ اس کتاب کی حفاظت فرماتے ہیں، اللہ کے نیک بندے اس کی تلاوت وسماعت کرتے ہیں، اسے سیکھتے ہیں اور دوسروں کو سکھا کر بندگی کے تقاضے پورے کرنے کی سعی کرتے ہیں ۔ایک ذریعہ اللہ رب العزت نے اس کی حفاظت چھوٹے چھوٹے معصوم بچوں کے سینے میں اسے محفوظ کرکے فرمایا ۔
واضح رہے کہ اس کڑی کا آغاز جامعہ عربیہ دارالعلوم محمدیہ کے ایک ہونہار طالب علم طلحہ شمس بن شمشاد عالم ألبا کالونی پھلواری شریف پٹنہ نے کیا، چند ماہ قبل ناظرۂ قرآن کریم کے ساتھ ساتھ طلحہ شمس نے حفظ قرآن کا آغاز کردیا تھا اور عم پارہ مکمل کرکے اس بات کا ثبوت بھی دیا کہ,, وَ اَنْ لَّیْسَ لِلْاِنْسَانِ اِلَّا مَا سَعٰى(39)سورہ نجم
ترجمہ:
انسان جس چیز کی کوشش کرے وہ اس میں کامیابی حاصل کرتا ہے ۔
اس موقع پر ایک دعائیہ تقریب کا اہتمام کیا گیا، جس میں قرآن، اہمیت قرآن، حکم قرآن کے حوالے سے بچوں کو خطاب کیا گیا۔
تمام اساتذہ وکارکنان نے طلحہ شمس کو مبارکبادی پیش کرتے ہوئے ان کی روشن مستقبل کے لئے دعائیں دیں،
مبارکبادی پیش کرنے والوں میں
والد شمشاد عالم، والدہ مہ جبین شبنم،
بھائی تمیم شمس،
نانا مولانا مقبول اختر، نانی شمیمہ شبنم،
خالہ شگفتہ شبنم، خالو نفیس عالم،
استاذ محمد ضیاء العظیم قاسمی، قاری عبدالواجد ،قاری عبد الماجد، مفتی نورالعظیم مظاہری وغیرہ کے نام شامل ہیں۔
یہ بات بھی قابل ذکر ہے کہ جامعہ عربیہ دارالعلوم محمدیہ البا کالونی پھلواری شریف پٹنہ ایک خالص دینی ادارہ ہے ،جس کی بنیاد محض خلوص وللہت پر ہے، یہاں مقامی وبیرونی طلباء اپنی علمی پیاس بجھا رہے ہیں ،اس وقت جامعہ ہذا میں چوبیس طلباء ہاسٹل میں مقیم ہیں، مقامی تیس طلبہ وطالبات تعلیم حاصل کر رہے ہیں پانچ اساتذۂ کرام ان کی تعلیم وتربیت پر معمور ہیں جن کی مکمل کفالت مدرسہ ھذا کے ذمہ ہے اور مدرسہ اہل خیر خواتین وحضرات کے تعاون سے چل رہا ہے ۔