توحید و سنت کی علمبردار حکومت مملکت سعودی عرب کا 93واں قومی دن 

توحید وسنت کی علمبردار حکومت مملکت سعودی عرب کا 93واں قومی دن

پرویز یعقوب مدنی

خادم جامعہ سراج العلوم السلفیہ نیپال

دنیا کے اندر جہاں مختلف رنگ و نسل کے افراد موجود ہیں وہیں مختلف ادیان و فرق اور مذاہب و نظریات کے حامل لوگ رہتے اور بستے ہیں، مخلتف ممالک ہیں اور ہر ملک کا اپنا ایک خاص مقام اور نظام اور باشندگان کا اپنا شناخت ہے لوگوں کے زندگی گزارنے کے طور طریقے ہیں لیکن اس روئے زمین پر موجود تمام مذاہب میں باری تعالیٰ کے نزدیک سب سے پیارا اور سچا مذہب مذہب اسلام ہے اسلام کے ماننے والوں کو کائنات کا رب پسند کرتا ہے رب العالمین کے نزدیک ایسے افراد و جماعت اور ملک نہایت محبوب ہیں جنہوں نے اپنی زندگی میں شریعت اسلامیہ کی پاکیزہ اور محکم تعلیمات کو نافذ کیا باری تعالی اور اس کے پیارے رسول محمد اکرمﷺ کی روشن ہدایات سے خود کو ہم آہنگ کیا نزاعی مسائل میں قرآن و سنت کو اپنا آئیڈیل نہ صرف تسلیم کیا بلکہ اپنی مکمل شعبہائے زندگی میں اپنا دستور سمجھا اور اسی کے مطابق عمل کیا۔

مملکت سعودی عرب اس روئے زمین کا وہ واحد ملک ہے جسے اللہ رب العالمین نے بے شمار خصوصیات و امتیازات سے نوازا ہے جہاں پر قرآن و سنت اور عقیدہ صحیحہ کی روز مرہ خوب نشر واشاعت کے ساتھ باطل افکار و نظریات کی تردید اور اس کی بیخ کنی کو اپنا فریضہ سمجھا جاتا ہے مملکت توحید کا دستور بھی قرآن و سنت ہے اور یہی وہ اکلوتا ملک ہے جسے مھبط وحی اور جائے پیدائش آخری نبی محمد اکرمﷺ ہونے کا شرف حاصل ہے جس مقدس سرزمین پر حرمین شریفین موجود ہے مکہ اور مدینہ یہاں کے مقدس اور مشہور مقامات ہیں جہاں کا مسلمانانِ عالم رخت سفر باندھتے ہیں حج و عمرہ کی سعادت حاصل کرتے ہیں خانہ کعبہ اور مسجد نبوی میں نماز ادا کرکے ثوابوں کا انبار جمع کرنے کے ساتھہ ساتھہ نبی اکرمﷺ اور آپ کے پہلو میں مدفون خلیفہ اول سیدنا ابوبکر صدیق اور خلیفہ ثانی سیدنا عمر فاروق رضی اللہ عنمہا کے قبر کی زیارت کرتے ہوئے آپ ﷺ پر درود و سلام پوری عقیدت و احترام اور ذوق وشوق سے پیش کرتے ہیں نیز مسجد نبوی کی قریب مقام بقیع میں مدفون امہات المؤمنین اور صحابہ کرام رضوان اللہ علیہم کی زیارت کرتے ہیں غرضیکہ بلاد توحید سعودی عرب کی خصوصیات و امتیازات کافی ہیں جن کا احصاء محال تو نہیں لیکن مجھہ جیسے کمزور طالب علم کے لئے مشکل اور طویل وقت کا متقاضی ضرور ہے زیر نظر مضمون میں سعودی نیشنل ڈے بابت 2023 م کی مناسبت سے انسانیت نواز اور توحید پرست مملکت کی سرسری خدمات کو حتی المقدور پیش کرکے خراج تحسین پیش کرنے کا عزم ہے باری تعالی مقصد میں کامیاب اور فائز المرام کرے۔آمین

*توحید پرست حکومت مملکت سعودی عرب کا قدیم نام حجاز اور نجد تھا بعد میں اس کا نام تبدیل کرکے “المملکة العربية السعودية” ركہا گیا۔

مملکت کے سب سے پہلے بادشاہ امام محمد بن سعود اور دوسرے بادشاہ امام ترکی بن سعود ہیں۔ مذکورہ دونوں ادوار میں مملکت نے خاطر خواہ ترقیاں کیں لیکن تیسرا دور نہایت ہی روشن اور تابناک رہا جسے شاہ عبدالعزیز بن عبدالرحمن آل سعود کی سرپرستی حاصل ہوئی یہ تاریخ سعودی عرب کا سنہرا دور کہلاتا ہے، شاہ عبدالعزیز بن عبدالرحمن کی جانفشانیاں مملکت سمیت تمام مسلمانوں کے تئیں ظاہر و باہر ہیں آپ نے 23 ستمبر 1932 ء میں اس ملک کی داغ بیل ڈالی اور شہر ریاض اس کی مستقل راجدھانی قرار پائی، بفضلہ تعالی مملکت کے بانی کی قائم کردہ راجدھانی آج بھی شہر ریاض ہی میں موجود ہے مملکت سعودی عرب میں آج بھی سو فیصد مسلمان آباد ہیں مملکت کا کل رقبہ تقریباً 19لاکھہ 60 ہزار 582 مربع کیلومیٹر ہے۔ مملکت کی سرحد پر چھوٹے چھوٹے ممالک قطر، کویت، ایران، اردن ، عمان متحدہ عرب امارات بحرین وغیرہ آباد ہیں۔ جو ملت اسلام کے تئیں ہونے والے فیصلوں کی بھر پور تائید کرتے ہیں اور مملکت توحید کی حفاظت و صیانت اور اس کی تعمیر و ترقی کے لئے اپنے پاس موجود وسائل و اسباب سے تائید و تعاون پیش کرتے ہیں۔

*توحید کا علم بردار حکومت مملكت سعودي عرب دنیا میں پہیلے تمام مومنین کا دھڑکتا دل ہے جس نے ہر موڑ پر انسانیت تعمیر و ترقی میں نمایاں خدمات انجام دی ہیں چاہے وہ تعلیم و تربیت کا میدان ہو یا سیاست و سیادت کا صحیح عقیدہ کی ترویج و اشاعت کا مسئلہ ہو یا شرک و بدعات کی بیخ کنی سعودی سمیت دیگر ملکوں میں دینی علوم کی ترویج و اشاعت ہو یا دنیائے میں پہیلے تمام ممالک کے رنگ و نسل کی تفریق کئے بغیر پریشاں حال افراد کا امداد و تعاون داخل مملکت مدارس و جامعات کا قیام ہو یا دیگر ممالک میں مدارس و جامعات کو جلا بخشنے میں مساعدات کی فراہمی مساجد کی تعمیرات ہو یا ان کی اصلاح ، خیراتی اور فلاحی اداروں کی صحیح نہج پر نگہداشت ہو یا ان کی صحیح رہنمائی غرضیکہ وہاں کے باشعور اور ہوشمند حکام نے تمام شعبہائے مملکت میں خدمات انجام دیں۔

سعودی عرب کی قیام کے اب تک کل 93/ سال پورے ہونے کو ہیں جو ایک خوش آئند اور اچھی بات ہے۔ تقریبا صد سالہ مدت میں مملکت سعودی عرب کے حکام نے کتاب وسنت پر مبنی حکومت کی بھر پور آبیاری کی اور شروع سے ہی حسب سابق وہاں پر الیوم الوطنی کے نام سے پروگرام انتہائی تزک و احتشام سے منعقد ہوتا تھا باشندگان مملکت بڑی جوش و خروش اور فرحت و انبساط اور خوشی سے الیوم الوطنی کے پروگرام میں حصہ لیتے آرہے ہیں امسال بھی باذن اللہ 23/ ستمبر کو الیوم الوطنی (نیشنل ڈے) کا پروگرام ہوگا جس کی آمد پر ہم صمیم قلب سے باشندگان مملکت کو مبارک باد پیش کرتے ہوئے دعا گو ہیں کہ باری تعالی مملکت سعودی عرب اور وہاں کے باشندگان کے حق میں یہ پروگرام مفید اور بار آور بنائے، مملکت توحید سعودی عرب کی صالح قیادت اور اور وہاں کے حکام اور تمام شہروں کے امراء و ذمہ داران اور کارکنان اور تمام یونٹوں سے جڑے افراد کو بہترین صلہ دے، مملکت کی ہر گام حفاظت فرمائے نیز خادم الحرمين الشريفين ملک سلمان بن عبدالعزیز اور اپ کے خلف الصدق ولی عہد شعبہء وزارت کے سربراہ شہزادہ محمد بن سلمان حفظھما اللہ کو ملک و ملت کی تعمیر و ترقی اور آبیاری کی مزید توفیق دے۔آمین