نماز کی اہمیت وفضیلت آیات قرآنیہ اور احادیث نبویہ کی روشنی میں

نماز کی اہمیت وفضیلت آیات قرآنیہ اور احادیث نبویہ کی روشنی میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حافظ رفیق عالم ابو طلحہ زیدی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اللہ ربّ العزت کا بے پناہ شکر و احسان ہے کہ اس نے ہم تمام بنی نوع انسان کو پیدا کر اپنی اطاعت و بندگی کا حکم دیتے ہوئے ارشاد فرمایا: “وما خلقت الجن والانس الا لیعبدون “

محترم قارئین کرام!
توحید و رسالت کے بعد اسلام کا دوسرا اور اہم رکن نماز ہے
جیسا کہ فرمان نبوی ہے کہ”بنی الاسلام علی خمس شہادة أن لا إله الا الله وأن محمدا رسول الله وإقام الصلاۃ وإیتاء الزکوۃ وحج بیت الله وصوم رمضان“
اللہ ربّ العالمین نے اپنے پیارے حبیب جناب محمد صلی اللہ علیہ وسلم کو معراج کے سفر پر نماز جیسی مہتم بالشان عبادت کا تحفہ عطا فرمایا۔
نماز ایک ایسی عبادت ہے جس کے ذریعہ انسان اپنی دنیا کے ساتھ ساتھ اپنی آخرت کو بھی بآسانی سنوار سکتا ہے۔نماز ایمان وکفر کے درمیان حد فاصل ہے۔
اللہ ربّ العالمین نے فرضیت نماز سے متعلق بہت سارے احکام ومسائل قرآن وسنت میں وارد کئے ہیں، قرآن مجید میں نماز کی ادائیگی کے متعلق اسّی آیات اور بے شمار احادیث موجود ہیں، رب کائنات نے نماز میں سستی وکاہلی کرنے والوں کے لیے بہت خطرناک وعیدیں سنائی ہیں جیسا کہ سورۃ النساء کے اندر ارشاد فرمایا:”وإذا قاموا الی الصلاۃ قاموا کسالا یراؤن الناس ولا یذکرن اللہ الا قلیلا“
جو شخص جان بوجھ کر نماز نہیں پڑھتا اللہ تعالیٰ ان کے لیے سخت وعید سنائی ہے جیسا کہ فرمان نبوی ہے: “من ترک صلٰوۃ متعمدا فقد کفر “
نماز کی ادائیگی انسان کو بے حیائی اور برائی سے روکتی ہے جیسا کہ فرمان الٰہی ہے:”ان الصلاۃ تنہی عن الفحشاء والمنکر ولذکر الله اکبر والله یعلم ما تصنعون “

نبی صلی اللہ علیہ وسلم نے نماز کو آنکھوں کی ٹھنڈک اور دلوں کو روشن کرنے کے مترادف بتایا ہے۔ارشادِ نبوی ہے:”جعلت قرۃ عین فی الصلوٰۃ“

پیارے حبیب صلی اللہ علیہ وسلّم مرض الموت کے وقت اپنی امت کو بار بار نماز کی حفاظت کا حکم دیتے ہوئے ارشاد فرمایا: “تم لوگ نماز قائم کرنا”
رسول اللہ صلی اللہ علیہ وسلم نے اپنی امت کو ویسے ہی نماز پڑھنے کا حکم دیا جس طرح آپ خود پڑھا کرتے تھے جیسا کہ فرمان نبوی ہے:”صلوا کما رأیتمونی أصلی “ کہ تم اس طرح نماز پڑھو جس طرح کہ مجھے نماز پڑھتے ہوئے دیکھتے ہو۔
نماز کے تعلق سے اللہ تعالیٰ نے حضرت اسماعیل علیہ السلام کے قصہ کو بیان کرتے ہوئے یوں ارشاد فرمایا:وجعلنی مبارکا أین ماکنت وأوصانی باالصلوۃ والزکاۃ ما دمت حیا “
نماز ایک ایسی عبادت ہے جس کی انجام دہی ہمیں آخرت کے عذاب سے بچا سکتی وہیں اس کی عدم ادائیگی حضرت انسان کی ہلاکت وبربادی کا سبب بھی بنے گی۔

اخیر میں اللہ تعالیٰ سے دعا گو ہوں کہ اے بار اله تو امت مسلمہ کے ہر فرد کو نماز جیسی عظیم عبادت کو انجام دینے کی توفیق عطا فرما آمین۔