نوپور شرما کے خلاف سخت کارروائی کی جائے۔

124

بلڈانہ –
موتلا ضلع بلڈانہ کے تمام مسلمانوں نے تحصیلدار صاحبہ کے ذریعے ضلع کلیکٹر صاحب اور ٹھانے دار کےڈریعے پولیس ادھیکشک صاحب کو میمورینڈم دے کر مطالبہ کیا ہے کہ بی جے پی کی قومی ترجمان نوپور شرما کے خلاف سخت کاروائی کی جائے۔ واضح ہو کہ ٹی وی چینل پر بحث کے دوران اس ملعون نے ہمارے آقا حضرت محمد صلی اللہ علیہ وسلم کے خلاف توہین آمیز الفاظ استعمال کرکے نوپور شرما نے تمام مسلمانوں کے جذبات مجروح کرتے ہوئے مذہبی دل آزاری کی ہے۔ تمام مسلمانوں میں غم و غصے پیدا ہوا ہے۔ مولانا صاحب نے بتایا کہ رسول اکرم صلی اللہ تعالیٰ علیہ وسلم تمام امت کی جان ہے۔ ہمارا دین و ایمان ہے۔ دنیا کے کسی کونے کا مسلمان ہو وہ پیغمبراسلام کی توہین و اہانت ہر گز برداشت نہیں کرسکتا‌ ہے‌۔

اس لیے اس ملعون پر رسول اللہ صلی اللہ علیہ وسلم کی توہین کرنے پر مقدمہ درج کیا جائے۔ اور سخت کارروائی کی جائے ۔ میمورنڈم میں مزید کہا گیا ہے کہ نوپور شرما کے خلاف آئی پی سی کی دفعہ 295A اور 153A کے تحت مقدمہ چلایا جانا چاہیے۔ اس میمورنڈم پر مولانا فیروز عالم صاحب، سیخ سلیم نائب صدر بلدیہ،حسین قریشی ، شہید قریشی، شیخ ایوب جمعدار، الحاج نعیم شیخ منیر قریشی ، چاند شاہ، شیخ ساجد نگر سیوک، سیخ آصف قریشی نگر سیوک ، شیخ معین شیخ رفیق قریشی، شیخ ہدایت، محسن قریشی،اشرف شاہ کےساتھ برادران موتلا کی کثیر تعداد نے دستخط کئے۔