گورنمنٹ ہائی سکول سون ٹوپہ راولاکوٹ میں ماحولیاتی  آگاہی کے لیے اجتماعی مطالعہ اور مزاکرے  کی نشست

گورنمنٹ ہائی سکول سون ٹوپہ راولاکوٹ میں ماحولیاتی  آگاہی کے لیے اجتماعی مطالعہ اور مزاکرے  کی نشست

آلودگی کے خاتمے اور  ما حول کو صاف ستھر رکھنے کے لیے اساتذہ اور طلبہ کا    عہد

ماحولیات کے تحفظ کیلیے اقدامات نہ کیے  تو تعلیم و تدریس کا مقصد ضائع ہو جائے گا۔ مصنف جاوید خان، امتیاز خان اور دیگر مقررین کا خطاب

راولاکوٹ(خصوصی رپورٹ)

ماحولیاتی آگاہی مہم کے سلسلے  میں گورنمنٹ ہائی سکول سون ٹوپہ راولاکوٹ کے زیر اہتمام اجتماعی مطالعہ ا ورمذاکرہ بعنوان ” زمین اداس ہے، جنگل اداس ہے”منعقد ہوا۔ اس کا اہتمام گورنمنٹ ہائی سکول سون ٹوپہ کے عقب میں واقع خوب صورت جنگل میں کیا گیا۔پریس فار پیس فاؤنڈیشن  یو کے کے زیراہتمام  جاری ماحولیاتی آگاہی مہم کا مقصد طالب علموں کو ماحولیاتی مسائل سے آگاہ کرنا اور طلبہ میں کتب بینی کو فروغ دینا ہے۔ اس تقریب کے میزبان   معلم  اور مصنف جاوید خان اورا متیاز خان تھے۔اس نشست میں جماعت ہشتم اور ہفتم کے طالب علموں نے  ماحولیاتی مسائل پر مبنی  “کتاب زمین اداس ہے “کا اجتماعی مطالعہ کیا، طالب علموں نے عہد کیا کہ وہ اپنے ماحول،  گھر جنگل، پانیوں اور زمین کی حفاظت کریں گے۔ طالب علموں نے  ماحولیاتی مسائل کے بارے میں  ” زمین اداس ہے “کے منتخب  ابواب کا  باری باری مطالعہ کیا اور  ادارے کے معلم  امتیاز صا حب نے اپنا حاصل مطالعہ پیش کرتے ہوئے بتایا کہ آلودگی دنیا بھر  کا اجتماعی مسئلہ ہے جس سے کرہ ارض کو موسموں میں تبدیلی،  فصلوں کی کمی،  مہلک امراض میں ا ضافے، لینڈ سلائڈنگ  اور جنگلات کی تباہی جیسے  خطر ناک مسائل کا سامنا ہے۔ انھوں نے طلبہ پر زور دیا کہ کہ وہ  اپنے ماحول کو صف ستھر ا رکھنے اور  کرہ ارضی کو  ہر قسم کی آلودگی سے بچانے کا   عہد کریں ورنہ ہماری تدریس اور  درس گاہوں کا مقصد  ضائع ہو جائے گا۔  ادارے کے معلم اور مصنف جاوید خان نے  تعلیمی اداروں میں آگاہی کے لیے پریس فار پیس  فا ؤنڈیشن کی کاوشوں کی تفصیل بتاتے ہوئے کہا کہ  ما حولیات کے گھمبیر مسئلے  کو اجاگر کرنے کے لیے ادارے کی طرف سے تسنیم جعفری کی مرتب کردہ کتاب “زمین اداس ہے” کی اشاعت کے علاوہ  مزاکروں، مباحثوں اور معلوماتی اور تعارفی  لٹریچر کی تیاری جیسے اقدامات قابل ستائش ہیں۔ اجتماعی مطالعے اور مزاکروں  کا سلسلہ  “زمین اداس ہے، جنگل اداس ہے’ کے نام سے  جاری رہے گا تاکہ نئی نسل کو آنے والے وقت کےچیلنجز کے لیے تیار کیا جاسکے۔